Weeklikse gebedsversoeke

OORDENKING :

God kan alles doen, daar is niks wat Hy nie kan doen nie. Lukas 1:37 (Bybel vir Almal)

Wanneer laas het jy ‘n wonderwerk beleef? As jy in wonderwerke glo en jou oë oopmaak, sal jy baie wonderwerke rondom jou sien.

Soms, dink ek, is die probleem dat ons net aan groot goed dink wanneer ons aan wonderwerke dink. Dinge soos die wonderwerke waarvan ons in die Bybel lees. Ja, daardie dinge is inderdaad wonderwerke. Net soos die wonderwerke waarvan ons in Lukas 1 lees – Maria en Elisabet se onwaarskynlike swanger-skappe.

Dan dink ons dikwels ook aan wonderwerke waar mense groot ongelukke of tragedies oorleef. Ons dink aan mense wat ernstige siektes klop. Of net soos in die Bybel – onwaarskynlike swangerskappe.

Ek glo wel ons moenie die klein wonderwerke miskyk nie. Soms is daar te midde die hartseer en tragedie klein wonderwerkies wat eintlik ook erken moet word want dit getuig van God se groot genade en sy hand wat steeds teewoordig is.

Soms is wonderwerke dinge wat ons as “gewoon” beleef. Soms is daardie wonderwerke dinge soos twee mense wat mekaar ontmoet en liefde vind. Soms is daardie wonderwerk twee ouers wat, ten spyte van ongelooflike uitdagings, by mekaar bly en die moeilike pad saam aanpak. Soms is daardie wonderwerk die regte blyplek op die regte tyd op die regte plek. Of die regte werksgeleentheid net voor jy moed verloor. Soms is daardie wonderwerk ‘n goeie idee wat deur harde werk en toewyding in iets groter omskep word. Soms is daardie wonderwerk so eenvoudig soos vrede in jou familie.

Ek dink nie wonderwerke is net dinge wat skielik of uit die bloute gebeur nie. Soms lê die wonderwerk juis in die moed om ‘n kans te waag, die geduld om te wag vir die regte ding, die deursettingsvermoë wat jou anderkant uitbring, die harde werk en toewyding wat iets kan laat groei. Die dinge wat ons so maklik as vanselfsprekend en “gewoon” kan aanvaar.

Maar daardie wonderwerke moenie misgekyk word nie. Inteendeel, ons moet dit vier en dit met die mense rondom ons deel.

Dink ‘n bietjie. Watter wonderwerke in jou lewe kyk jy soms mis?

(Vanuit Vers-n-dag geskryf deur Chalea Grey – 29 April 2024)

GEDAGTE VIR DIE WEEK

Mag jou hart elke dag die dou van die klein vreugdetjies van die lewe opvang en verfris word.

~ Kahlil Gibran ~

SIEKES

Lise V              kanker – ontvang chemo

André S           kanker

Nick dB           in die hospitaal – stent ingesit

Lilian H           sterk tuis aan

Andrew J        kanker – ontvang chemo

Annie D           kanker

Leon vW         kanker

Rosaline         kanker – ontvang chemo

ANDER LANDE

Noord-Korea: Bid vir die ekonomiese ontwikkeling van Noord-Korea, aangesien ongeveer 60% van die bevolking in uiterste armoede leef. Bid dat die mense hier toegang tot voedsel en primêre gesondheidsorg sal kry. Bid dat meer mense Christus in hulle harte sal aanvaar en vryheid, vrede en vreugde in Hom sal vind.

Suid-Korea: Bid vir Bybelwerk in ons land en vir ons doelwit om Koreaanse kerke te dien. Bid dat ons missie — om God se Woord te deel deur vertaling, publikasie en verskeie programme — suksesvol sal wees. Bid dat dit mense sal help om God se Woord in hul daaglikse lewens uit te leef.

Japan: Bid vir die voortgesette sukses van Japannese Bybelwerk terwyl ons poog om God se Woord te versprei en die Evangelie te deel. Bid vir die vertaling van die Bybel in Japannese Gebaretaal, spesifiek vir die vertaalspan en hul gesinne

By voorbaat dankie vir jul voorbidding.

STUUR JOU GEBEDSVERSOEKE NA gebed@parke.co.za OF WhatsApp 082 314 2658

Leave a comment